منتديات متارسوس
اهلا وسهلا بك عزيزي الزائر في منتدي قطرات لامل

ان كنت عضو رجائا قم بتسجيل دخولك الى المنتدى

وان كنت زائر نتشرف بتسجيلك معنا بالضغط على تسجيل في االاعلى

منتديات متارسوس

اهلين وسهلين نورتو المنتدي
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
 السلام وعليكم اعضاء منتديات قطرات الامل  تم افتاح قسم خاص لطلاب معهد الفنون الجميله
علي جميع الاعضاء التواجد في المنتدى والرد علي المواضيع
علي جميع الاخوه المشرفين التواجد في المنتدي والا سوف تسحب الاشراف من الجميع

شاطر | 
 

 بطلت العشك ونسيت الاشعار

اذهب الى الأسفل 
كاتب الموضوعرسالة
????
زائر



مُساهمةموضوع: بطلت العشك ونسيت الاشعار   السبت فبراير 18, 2012 6:00 am

بطلت العشك ونسيت الاشعار


...............................................

بطلت العشك وانسيت الاشعاربطلت العشك ونسيت الاشعار

وطلعت العشك من غير رجعه
شعندي ويه الشعر من بعد الاحباب
والمن القي شعري ومن يسمعه

اريد انهي البديته اليوم وارتاح
واريد بهالقصيده اليوم اودعه
تسعه الناس تسمع مني اشعار
واني وشعري كله لكلبك اسعه
وسبعه من السبوع تصير الايام
بس وياك احس اليوم سبعه
وطبعة وبالكلب خليت واختام
من طبع الكلب ما ينسه طبعه
ربع من الكلب للناس محجوز
والك كل الكلب ناسه ويه ربعه
عفت شغلي وبقيت وياك محتار
ولكيت اني بمحبتك خوش صنعه
لاجل عينك جرعت هواي عذال
وسكرت بعشكك اني بغير جرعه
ومضة من المضى لو يرجع الفات
وشيرجع المضى ولو بيدي ارجعه
شمعة الناس تشعل من يجي الليل
وانا الكضيت عمري اشتعل شمعه
بس هوايه كافي وياك لهنـــا
النهايه وياك صارت حيل بشعه
اريد اتخفه عنك والبس قناع
واريد بكلبي غيرك هم اقنعه
واريد احجي واسولف بالتفاصيل
واريد لضيم كلبي كله اطلعه
واريد الما أشتره يتفرج اليوم
على حسابي آذيته تصير سلعه
واريده يبجي هسه الما ضحك يوم
مو دمعة حزن بس فرح دمعه
تعال اسمعه لكلبي يردد اهواك
واذا انت اكرهت ما اظن تسمعه
كمت تسد أذانك من عليك يصيح
كلبي هسه صار يجيب سمعه ؟
الك قلعة عشك بالكلب سويت
بس هسه بقت انقاض قلعه
اريد اقلع القلعه بكلبي وارتاح
واذا كلبي اعترض هم كلبي اقلعه
الك دفعة بله انطيت انا الروح
وانت الكتلي روح وياها دفعه
اني الينسه حبي وينكر الطيب
لا مو بس البسه هم انزعه
واحركه بنار كلبي الما طفت يوم
واجزعه من الحياه والدنيه اجزعه
سنه ما تهنه الي ضحك بيه
وبنفس سنه اخليه يعض اصبعه
شسويله بعد مو كافي مليت
اشمرله الكلب ويحطلي درعه
وارجع من جديد وكلبي مكسور
والملم قطع كلبي قطعه قطعه
بعده هالكلب ليهسه ما طاب
ووره يومين يرجع نفس وضعه
هم يحن يرجع تالي يشتاك
يجي ولباب كلبك هم يقرعه
اتعجب عليك شلون تفكير
ما ادري عذابي الك متعه !
مو صوج الوكت لا بينه هالصوج
اليحب بهالوكت ياكله وجعه
عاتبني الشعر بحروف الابيات
شنو ذنبي الوصل عني تكطعه
جنت تشكيلي واشكيلك بالهموم
الزرعته وياك طيب لا تشلعه
كلامك هذا مو ؟ لو اني غلطان..؟؟
خويه المدلك ايده لا تصفعه
بسك يا شعر لا تعتب ارجوك
لا تظن الاصل يتناسه فرعه
لا تظن الاصل يتناسه فرعه

الرجوع الى أعلى الصفحة اذهب الى الأسفل
 
بطلت العشك ونسيت الاشعار
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات متارسوس :: المنتـــدى الادبـــي :: ديوان الشعر الشعبي-
انتقل الى: